По вчерашните два натпревари заврши осминафиналето во Лигата на шампионите, познати се сите четвртфиналисти кои утре ќе ги добијат своите противници.
Реал Мадрид и Наполи не дозволија сензација, фаворитите го обезбедија местото меѓу осумте најдобри во Лигата на шампионите.
Пред нив тоа го направија Баерн Минхен, Бенфика, Челси, Интер, Манчестер Сити и Милан.
Италијанската Серија А има најмногу екипи во четвртфиналето, дури три, Милан, Наполи и Интер.
Англичаните се со Челси и Манчестер Сити, а Ла Лига има само еден клуб, Реал Мадрид.
По еден имаат и Германија во Баерн Минхен и Португалија во Бенфика.
Ждрепката за четвртфиналето е утре со почеток од 12 часот.
Првите четвртфинални мечеви се играат на 11 и 12 април, реваншите се седум дена подоцна.