Од денеска 16 март, ниту едно возило регистрирано во Република Косово не смее да вози без налепница за регистрација, потврдија од бирото за осигурување во Приштина.
Налепниците, како што наведоа, докажуваат дека возилото го завршило процесот на регистрација и е осигурано, јавува Радио Контакт плус.
Примената на налепниците за регистрација во Косово започна на 15 март минатата година.
Процесот беше целосно финансиски поддржан од осигурителните компании во Република Косово.
„Првата година налепницата беше црвена, годинава ќе биде зелена. Од денеска ниту едно возило не смее да биде без налепница“ рече директорот на Бирото, Сами Мазреку.
На овој начин, додаде тој, уште повеќе ќе се намали бројот на нерегистрирани возила на Косово.
Од бирото за осигурување не прецизираат дали возачите ќе ги сносат последиците и какви ќе бидат доколку возат возило кое нема налепница за регистрација.