
Нуредини: ЕК одобри дополнителна донација од 22,5 милиони евра за регионалниот систем за управување со отпад
Обезбедени се дополнителни 22,5 милиони евра како инвестициска донација во рамки на инвестиционата рамка на Западен Балкан.Донацијата е обезбедена по потпишувањето на Договорот за заем со Европската банка за обнова и развој со кој се обезбедија 55 милиони евра за развивање на регионалниот систем за управување со отпад, информираше Нуредини.
Министерот за животна средина и просторно планирање додаде дека ако се додадат и деветте милиони евра што како донација се обезбедени од Швајцарската влада, вкупната висина на обезбедените средства за воспоставување на регионалниот систем за управување со отпад во Полошкиот, Југозападниот, Пелагонискиот, Вардарскиот и Југоисточниот плански регион изнесува над 87 милиони евра.
– Регионалниот систем за управување со отпад во Источниот и Североисточниот регион се финансира преку ИПА програмите и наскоро се очекува започнување на тендерската постапка, додека за Скопскиот плански регион, исто така се обезбедени грант средства преку европските ИПА фондови и проектот допрва треба почне, посочи Нуредини.