Меган Маркл би можела да стане најплатениот инфлуенсер во светот

Сопругата на принцот Хари, Меган Маркл, би можела да стане една од најплатените инфлуенсерки во светот, бидејќи би добила 200.000 фунти (233.000 евра) по публикација во која рекламира одредени брендови, според експертите, откако се шпекулираше дека може да стане ново лице на француската модна куќа „Диор“.

Претходно беше објавено дека војвотката од Сасекс нема да го продолжи договорот со Spotify, што значи дека таа и Хари ќе загубат околу 10 милиони долари, објави Дејли мејл.

Сепак, Меган брзо би можела повторно да ја искористи популарноста, откако инсајдер близок до парот рече дека таа би можела да вреди „стотици милиони долари“ доколку прифати договори со брендови кои се отворени за неа.

Експертот за бренд и култура Ник Ед изјави за Mail Online дека Меган би можела да стане еден од најголемите влијателни лица во светот и дека би можела да вреди милиони ако стане заштитно лице на „Диор“.

Тој додаде дека доколку се постигне договор, таа би можела да се изедначи со заработката на Ким Кардашијан, која во текот на годините заработила богатство од нејзиното партнерство со „Долче и Габана“ – која и платила 47 милиони долари само за да ја облече нивната венчаница.