Најбогатиот човек на светот и сопственик на социјалната мрежа „Х“ (поранешен Твитер), Илон Маск, најави дека неговата компанија ќе поднесе тужба против основачот на Фондацијата Отворено општество – Џорџ Сорос.
Маск одговараше на твитот на Мајкл Шеленбергер, кој ги оспори тврдењата на некои невладини организации поддржани од Сорос за зголемување на „инцидентите со омраза“.
Во својот твит, Маск напиша: „Токму. X ќе преземе правни мерки за да го спречи ова. Едвај чекам да започнат со откритијата!“
Шеленбергер претходно истакна дека не се точни тврдењата на некои невладини, поддржани од контроверзниот милијардер Сорос, за зголемување на „инцидентите од омраза“. Според него, трендовите се всушност обратни, а податоците укажуваат на зголемена толеранција кон малцинствата.
Тој сподели статија која ја истражува ситуацијата во Ирска, каде што се тврди дека има зголемување на „инцидентите од омраза“.
Сепак, според написот, нема реално зголемување на ваквите инциденти, туку зголемување на бројот на пријави, често без цврсти докази.
Оваа ситуација покажува дека прашањето за инцидентите на омраза и слободата на говор е сè уште актуелно и дека дури и големите технолошки компании како „Х“ (поранешен Твитер) влегуваат во правни битки за справување со различни аспекти на овие теми.