Двајца мажи се удавија додека учествуваа на триатлон „Ајронмен“ во Југал, округот Корк, Ирска, соопшти полицијата.
Мажите, едниот во неговите 60-ти, а другиот на 40-тите години, учествувале во пливачкиот дел од триатлонот кога наишле на неволја во одделни инциденти и биле извлечени од водата од екипите за итни случаи, објави Би-Би-Си.
Еден од лицата бил Ирец кој живеел во Велика Британија, додека другиот бил од Канада, објави ирската телевизија RTE.
Триатлонот „Ајронмен“ обично вклучува пливање од 1,9 километри, возење велосипед од 90,1 километри и трчање од 21,1 километри.
Ирската полиција соопшти дека и двајцата мажи биле прогласени за мртви од медицинскиот персонал.
Организаторите на настанот Ironman Ireland изјавија дека се длабоко тажни поради смртта на учесниците.