Илјадници луѓе се евакуирани од домовите и хотелите на грчкиот остров Родос откако шумските пожари зафатија големи делови од островот. Грчката противпожарна служба предупреди дека ситуацијата може да се влоши поради временските услови. Повеќе од 3.500 луѓе се евакуирани по копно и море. Уште 1.200 ќе бидат евакуирани од три села – Пефки, Линдос и Калатос.
Нема информации за повредени, соопшти Министерството за климатски кризи и цивилна заштита во Грција. Се вели дека посетителите се безбедно евакуирани од погодените области на Родос – кои претставуваат помалку од 10% од туристичкото сместување на островот – и се пренасочуваат во други хотели на островот. Потполковник Јанис Артопоиос, портпарол на Грчкиот противпожарен корпус, кажа дека пожарите се најтешките со кои се соочила службата.
Островот се бори со шумските пожари предизвикани од силните ветрови од вторникот, додека Европа се справува со топлотен бран. Пет хеликоптери и 173 пожарникари оперираа во областа, а три хотели во областа Киотари се пријавени дека биле оштетени од пожар. Зафатени беа и областите Лаерма, Лардос и Асклипио.
Σε βίντεο που ανέβηκε στο Facebook από το Forecast Weather Greece φαίνεται σε πρώτο πλάνο η επικίνδυνη κατάσταση που έχει δημιουργηθεί στο μέτωπο στη Ρόδο. Aκούγονται πυροσβέστες να φωνάζουν ο ένας στον άλλον «φύγε δεν κόβεται». #Ροδοςπυρκαγια #ΡΟΔΟΣ pic.twitter.com/LhwuJE5CAv
— ThePressProject (@ThePressProject) July 23, 2023
Приватни чамци ѝ се придружија на грчката крајбрежна стража за да помогнат во преземањето на луѓето од плажите на исток на островот. Бродови на грчката морнарица се упатуваат кон областа, која е популарна кај туристите. Заменик-началникот на пожарникарите Јоанис Артофиос рече дека бродската компанија „Блу стар“ закотвила еден од нејзините бродови на пристаништето за сместување на евакуираните. Други се сместени на затворен стадион на островот, според заменик-градоначалникот на островот.
Артофиос додаде дека пожарникарите често се борат на Родос поради тоа што островот е зелен, што го прави атрактивна туристичка дестинација.
Грчката телевизија прикажа долги редици туристи со куфери однесени на безбедно, а густ чад се гледа во позадина.