Арифи пред суд за спорните договори во Општина Тетово: „Секогаш се обидував да им помогнам на граѓаните“

Во Основниот суд во Тетово започна судскиот процес против поранешната градоначалничка на Тетово, Теута Арифи, која е обвинета за злоупотреба на службената положба и овластувањата. Според обвинението, таа се товари дека со склучување стотици договори го оштетила општинскиот буџет за околу еден милион евра.

Во Основниот суд во Тетово започна судскиот процес против поранешната градоначалничка на Тетово, Теута Арифи, која е обвинета за злоупотреба на службената положба и овластувањата. Според обвинението, таа се товари дека со склучување стотици договори го оштетила општинскиот буџет за околу еден милион евра.

На денешното рочиште сведочеа четири лица кои претходно биле ангажирани со договори во различни сектори на Општина Тетово, како и тројца внатрешни ревизори на општината, објави ТВ21.

Според обвинението, кое произлегува од пријава поднесена од Општина Тетово, предмет на постапката се 546 склучени договори. За 268 ангажирани лица, според наводите, не биле доставени извештаи за извршената работа, додека за други 248 лица постоеле такви извештаи.

По завршувањето на рочиштето, Арифи ги отфрли обвинувањата и изјави дека е целосно невина. Таа оцени дека постапката е резултат на кривична пријава поднесена од актуелното раководство на општината.

„Тоа е кривична пријава од страна на актуелниот раководител на општината и вие бевте внатре, ги слушнавте сведоците кои сведочеа дека отишле, биле на работа и е ниско, срамно што граѓаните на овој град кои завршиле работа, каква и да е, се носат и влечат на суд за да земат изјави од нив“, изјави Арифи.

Поранешната градоначалничка тврди дека за време на нејзиниот мандат не направила никакви намерни пропусти и дека секогаш работела во интерес на граѓаните.

„Нема проблем, не сум направила никакви намерни грешки. Секогаш се обидував да им бидам од помош на моите сограѓани. Ќе го следам процесот и верувам дека судските власти ќе имаат интегритет да одлучат правилно за секој граѓанин на оваа земја“, изјави Арифи.